Чемпионатнинг 28-турида "Андижон" жамоаси Тошкентда "Бунёдкор" клубига қарши майдонга тушади. Мазкур учрашувга жамоамизнинг тайёргарлиги давом этмоқда.
"Сўғдиёна" билан бўлган ўйиндан сўнг эртасидан жамоамиз машғулотларни давом эттирди. "Бунёдкор"га қарши учрашувдан олдин таркибда битта йўқотиш юз берди. Жамоамизнинг асосий ҳимоячиларидан бири Иқбол Бобохоновда сариқ карточкалари сони 4 тага етгани боис Тошкентда майдонга туша олмайди. Ўтган турда жиззахликлар билан баҳсда у тўртинчи сариқ карточкасини олди. Шунингдек, жамоамиз етакчилари Лочин Солиев, Расул Раҳмонов ва Асқар Жадигеровда жароҳатлар бор.
Жамоамиз бугун эрталабки машғулотни ўтказиб бўлгач, тушликдан сўнг Тошкентга йўл олади. Эслатиб ўтамиз, "Бунёдкор"га қарши учрашув 31 октябрь куни бўлиб ўтади.
