Бугун бўлиб ўтган "Машъал" - "Пахтакор" (1:2) учрашувидан сўнг матбуот анжуманининг биринчи қисмида меҳмонлар бош мураббийи Нўъмон Ҳасанов иштирок этди ва саволларга жавоб қайтарди, дея хабар бермоқда "Машъал" расмий сайти.
"Бугунги ўйин жуда ҳам оғир кечди. Чунки "Машъал" бугун ҳам энг яхши жиҳатларини кўрсатди. Бу жамоа "Бунёдкор"га қарши ҳам ажойиб ўйин кўрсатган эди. Рақиб жисмоний томондан ҳам кучли экан. Шунга қарамай бизни жамоа чемпион ҳисобланади ва маҳорат бобида устунлик қилдик. Биринчи гол урганимиздан сўнг иккинчи голни ҳам уришимиз шарт эди. Шу боис олдинги чизиқда ўйин кўрсатдик. Жуда кўплаб имкониятларни йўққа чиқардик. Ўтказиб юборган голимиз ўйинни охирини жуда ҳам асабий кечишига сабаб бўлди. Ўз ўрнига амалга оширилган ўзгаришлар ҳам самарасини берди. Тўртта ҳимоячимиз ҳам олдинга ўтди. Омад бизга кулиб боқди ва ғалаба қозондик", - дейди Нўъмон Ҳасанов
"Ҳамма ўйин бизга қийин кечмоқда. "Динамо"га қарши ўйиндан бошқа ҳаммасини оғир учрашув деб айтардим. Ҳали олдинда икки муҳим учрашув бор. Ҳар икки ўйинда ҳам ғалаба учун курашамиз".
