"Нью-Йорк Сити" жамоаси мавсумдаги муваффақиятсизлик туфайли бош мураббий Жейсон Крейсни ишдан бўшатди. Бу ҳақда жамоанинг расмий сайти хабар тарқатган.
Қайд этиш керакки, жамоа MLS да Шарқий зонадаги 10 жамоа ичида 8-ўринни эгаллади ва плей-оффга ўта олмади. Жамоада Андрей Пирло, Фрэнк Лэмпард ва Давид Вилья каби тажрибаларни ўз таркибида жамлаганига қарамасдан, яхши натижа кўрсата олмаслиги раҳбариятни ислоҳотга чорлаган.
Хабарларда айтилишича, унинг ўрнига ҳозирда ишсиз юрган тажрибали мураббийлардан бири, италиялик мутахассис Фабио Капелло таклиф этилиши мумкин.
Бироз олдинроқ, Россия терма жамоасидан бўшатилганидан кейин ишсиз қолган Капелло "Челси"да Моуриньонинг ўрнини эгалламоқчилиги ҳақида хабар қилинганди.