Олий лига 29-турида "Олмалиқ" ўз майдонида "Бунёдкор" билан дуранг қайд этди. Мазкур баҳсдан сўнг ўтказилган матбуот анжуманининг иккинчи қисмида олмалиқликлар устози Игорь Шквирин қатнашиб, ўйин ҳақида қуйидагича фикр билдирди, дея хабар беради пойтахтликлар расмий твиттери.
– Ҳар иккала жамоа ҳам бугун ҳужумкор ўйин кўрсатди. Бундан эса мухлислар хурсанд бўлишди. Биринчи бўлимда қарши ҳужумда гол ўтказиб юбордик, лекин 2-таймни тўлиқ назорат қилишга эришдик. Умуман мавсумни бир текисда ўтказа олмадик. Қайсидир ўйинларда карточкалар бизга панд берди. Баъзиларида жароҳатлар. Фикримча, бугун ёмон ўйнамадик. Ғалаба қозонишимиз ҳам, мағлубиятга учрашимиз ҳам мумкин эди. Гол уриш бўйича 3-ўриндамиз, аммо ўтказиш борасида қиладиган ишларимиз бор. Юқори мақсадли жамоа, ҳимоя чизиғини мустаҳкам кўринишга келтириши керак. Келаси йилда "Олмалиқ"да қоламанми, йўқми буни вақт кўрсатади. Бу масала раҳбарият билан гаплашилгач, ҳал бўлади, – дейди Шквирин.
XXIV миллий чемпионатимиз сўнгги 30-турини "Олмалиқ" сафарда Самарқанднинг "Динамо" жамоаси майдонида ўтказиди. Учрашув 20 ноябрь куни бўлиб ўтади.
