Ўзбекистон терма жамоаси ҳимоячиси Ислом Тўхтахўжаев КХДРга қарши ўйиндан олдин "Интерфутбол" газетасига интервю бериб ўтди.
"Пхеньяндаги ўйинда кутилмаган ҳолатларга дуч келгандик. Биринчи навбатда, майдонни назарда тутяпман. Зеро, сунъий қопламага мослашиш осон кечмайди. Иккинчидан, корейслар ўз мухлислари кўз ўнгида, уларнинг қўллаб-қувватлашидан қўшимча куч олган ҳолда, ўйнашди. Энди бизда худди шундай устунлик бор. Умуман, майдонга рақибдан аввалги мағлубият учун реванш олиш эмас, балки уни мағлуб этиб, жуда зарур 3 очко олиш учун тушамиз. Ўйлайманки, мухлислар олдида юзимиз ёруғ бўлади, яъни ўйинни ғалаба билан якунлаймиз", - дейди футболчи.
