Хабарингиз бор, ноябрь ойининг илк ҳафтасида Туркиянинг Анталия шаҳрида 2004-2006 йилда туғилган футболчилар ўртасида “Аntalya Cup” халқаро болалар футбол фестивали ташкил қилинди.
Мазкур мусобақада Эркин Саидов бошқарувидаги “Локомотив” футбол мактабининг икки ёш тоифасидаги (2004 ва 2006) тарбияланувчилари ҳам иштирок этиб, якунда “Локо-2006″ биринчи ўринни, “Локо-2004″ эса учинчи ўринни қўлга киритди.
Кеча кечқурун футболчиларимиз Истаyбул – Тошкент авиарейси билан пойтахтимизга қайтиб келишди. Тошкент халқаро аэропортида “темирйўлчилар”ни кўплаб ота-оналар, клуб ходимлари, шунингдек “Спорт” телеканали журналистлари кутиб олишди. Чемпион ёшларимиз аэропортдаёқ карнай-сурнай садолари остида кутиб олинди. Ота-оналар футбол мактабимиз директори Эркин Саидов, шунингдек мураббийлар Даврон Досунов ҳамда Суннат Рўзиевга зарбоф тўн кийдиришди. Қуйида “Локо” тарбияланувчиларини кутиб олиш жараёнидан фотосуратларни тақдим этамиз.
