Ўзбекистон ва КХДР терма жамоалари ўртасидаги ЖЧ-2018 саралаш босқичидаги ўйиннинг биринчи бўлими якунланди. Ҳозирча учрашувда дуранг натижа қайд этилмоқда — 1:1.

Ўйиннинг бошидаёқ кореяликлар ҳисобни очишга муваффақ бўлишди. Чап қанотдан етказиб берилган узатмани Ри Хёк Чол 11 метрли нуқта устида бош билан дарвозамизга жойлади.

Шундан сўнг ўзбекистонликлар катта куч билан олдинга ташланишди ва кетма-кет хавфли вазиятлар яратишди. Ўйинчиларимиз олис масофалардан жуда кўп зарба йўллашди. Ниҳоят, 24-дақиқага келиб ҳисоб тенглашди. Жепаров чап қанотдан аниқ узатма берди ва Сергеев бош билан дарвозани ишғол қилди.

Жамоамиз биринчи бўлимнинг ўзида ҳисобда олдинга чиқиб олиши мумкин эди. Ўйиннинг 40-дақиқасида Одил Аҳмедов томонидан йўлланган зарбадан сўнг тўп дарвозабоннинг қўли орқали устунга тегиб қайтди.

ЖЧ-2018, ОК-2019 қўшма саралаш босқичи
"Н" гуруҳи, 7-тур
ЎЗБЕКИСТОН - КХДР -1:1 (биринчи бўлимдан сўнг)
Гол: Игорь Сергеев (24) — Ри Хёк Чол (3)
Огоҳлантиришлар: Ислом Тўхтахўжаев (20) — Жонг Ил Гван (45)
Ўзбекистон: 21.Александр Лобанов, 2.Егор Кримец, 4.Марат Бикмаев, 5.Анзур Исмоилов, 7.Азиз Ҳайдаров, 8.Сервер Жепаров, 9.Одил Аҳмедов, 10.Сардор Рашидов, 11.Игорь Сергеев, 19.Виталий Денисов, 20.Ислом Тўхтахўжаев.
Захира: 1.Мурод Зуҳуров, 3.Камолиддин Тожиев, 6.Жасур Ҳасанов, 12.Игнатий Нестеров, 13.Даврон Ҳошимов, 14.Жавоҳир Соҳибов, 15.Александр Гейнрих, 16.Станислав Андреев, 17.Санжар Турсунов, 18.Фозил Мусаев, 22.Санжар Шоаҳмедов, 23.Элдор Шомуродов.
КХДР: 1.Ри Мёнг Гук, 3.Жанг Кук Чол, 4.Ри Кум Чол, 7.Ри Хёк Чол, 9.Пак Кванг Рёнг (Ан Бёнг Жун 36), 11.Жонг Ил Гван, 12.Жон Кванг Ик, 13.Сим Хён Жин, 15.Ри Йонг Чол, 17.Со Хён Ук, 23.Ри Чол Мёнг.
Захира: 18.Ри Кванг Ил, 21.Ким Ил Гванг, 2.Ри Чон Ил, 5.Хан Сонг Хёк, 8.Ким Йонг Гванг,  14.Со Кёнг Жин, 19.Хонг Кум Сонг, 20.Ким Сонг Ги.
Ҳакамлар: Алиризо Фағоний Ризо Сухандон, Муҳаммадризо Мансурий Мовуд Бонядифард (барчаси — Эрон).
Назоратчи: Салим Сайид ас-Сувайдий (БАА).