Биласиз, яқин ўтмишнинг машҳур футболчиларидан бири Зинедин Зидан ҳозирда “Реал”нинг захира жамоаси саналадиган “Кастилья”га устозлик қилмоқда.
Куни кеча қизиқувчан журналистлар Зидандан Эден Азарнинг “қироллик клуби”га ўтиши мумкин ёки йўқлиги борасида сўрашди. Зинедин Зидан эса бундай саволга қуйидагича жавоб берди:
- Мен “Реал”нинг трансфер масалалари билан шуғулланмайман. Бу борада клубда бошқа мутахассислар иш олиб боришади. Аммо шуни айта оламанки, Эден Азар ажойиб футболчи. Унинг ўйини менга доим ёққан. Ҳар гал Азар иштирокидаги ўйинни томоша қилиб, завқланаман. Унда ҳозирда бироз пасайиш даври бошланган. Аммо бу ҳолат ҳаммада ҳам бўлади. Ҳали мавсум якунига анча вақт бор эканини инобатга олсак, барчаси ўз изига тушиб кетади ва у яна голлар киритади, - дейди Зидан.
