Спорт соҳаси бўйича тасвирдан маъно излаш, яъни карикатура санъати устаси Жавлон Назаров навбатдаги суратни эътиборингизга ҳавола қилади. Ўзбекистон миллий терма жамоаси бош мураббийи Самвел Бабаян “Пахтакор” жамоаси дарвозабони Александр Лобановни юртимизнинг бугунги кундаги энг ишончли посбони ҳисобламоқда. Мухлисларнинг танқидларига парво қилмаган бош мураббий Шимолий Корея терма жамоасига қарши ўйинда ҳам ушбу дарвозабон хизматидан фойдаланди. Ўйинда ўтказиб юборилган ягона голда “СпортТВ” шархловчиси таъбири билан айтганда, Анзур Исмоиловни айбдор деб ҳисобласак, Александр Лобанов ишончни қайсидир маънода оқламоқда.

Жавлон Назаров ўз карикатураси билан Бабаяннинг эркатойи терма жамоа асосий таркибида муқаррар ўринга эгалигига шаъма қилмоқда