Париждаги “Стад де Франс” стадионида ўзини портлатиб юборган уч нафар худкушлардан бирида Франция ва Германия ўртасида бўлиб ўтган ўртоқлик учрашувига кириши учун чипта бўлган. Бу ҳақда стадион назоратчиси маълумотига асосланиб, Wall Street Journal хабар бермоқда.
Манбанинг маълум қилишича, ўйин бошланишига 15 дақиқа қолганда худкуш стадион ичига кирмоқчи бўлади. Аммо текшириш пайтида назоратчи уни пайқаб қолади. Террорчи улардан яшириниб, портловчи қурилмани ишга туширишга муваффақ бўлади.
Биринчи портлашдан кўп ўтмай, яна иккита портлаш содир бўлади. Стадиондаги одамлар фақатгина иккинчи таймдагина ён-атрофда содир бўлган терактлар ҳақида билишди. Ўйинни кузатиб бораётган Франция президенти Франсуа Олланд бўлиб ўтаётган воқеалар ҳақида телефон орқали хабар топди ва биринчи бўлимдаёқ стадионни тарк этди.
