Эртага Дохада бўлиб ўтадиган Яман - Ўзбекистон учрашуви олдидан матбуот анжумани бўлиб ўтди. Матбуот анжуманида терма жамоамиз аъзоси Сардор Рашидов ҳам иштирок этди ва ўйин олди фикрлари билан ўртоқлашди.
"Эртага Яманга қарши ўйнаймиз. Рақибни ҳурмат қиламиз ва улар жуда яхши жамоадир. Яман кўрсатган бир неча баҳсни кўрдик. Охирги турда Филиппинга улар яхши ўйин кўрсатди. Насиб қилса биз эртага ғалаба қозонамиз", - дейди Сардор Рашидов ўйин ҳақида.
- Сиз жамоанинг етакчи футболчиларидан бирисиз. Деярли барча учрашувларда гол урмоқдасиз. Нима учун Яман билан учрашувда гол ура олмадингиз? Бунинг сабаби нимада деб ўйлайсиз?
- Футбол бу жамоавий ўйин. Мен гол урмасам ҳам жамоамиз ғалаба қозонса бас. Яманнинг ҳимоя чизиғи айтарли даражада кучли эмас. Шу боис Тошкентдаги учрашувда ғалаба қозонган эдик.
Таъкидлаб ўтамиз, Яман - Ўзбекистон учрашуви эртага 20:30 да бошланади.
