“Бавария” спорт директори Маттиас Заммер Мюнхен клуби универсал ҳимоячиси Давид Алаба шаънига илиқ мақтов сўзларини айтиб ўтди.
Заммер Австрия терма жамоаси ўйинчисининг майдондаги кўп позицияларда бирдек маҳорат билан тўп сура олишига қойил қолишини яширмади.
“Алаба ҳар томонлама кучли ва ақл билан ҳаракат қила оладиган футболчи эканидан мамнунмиз”, — дея Заммернинг Kicker нашрига берган интервьюсидан парча келтиради Championat.com.
Заммер Алабани мақтар экан бир куни унинг яқин ўтмиш футболи афсоналари Лотар Маттеус, Паоло Мальдини ҳамда Филипп Лам қаторига киришига ишонишини таъкидлади.
