“Арсенал” тез орада ярим ҳимоячи Алексис Санчес билан янги шартнома имзолайди.
Бу ҳақда Daily Mail га асосланиб Sports.ru хабар тарқатди. Чилилик футболчи Лондон клуби билан янги 5 йиллик битим борасида оғзаки келишувга эришган ва ҳафтасига 130 минг фунтдан 155 минггача маош олиши мумкин.
Шу тариқа, Санчес “Арсенал”нинг энг кўп маош олувчи ўйинчисига айланиши мумкин. Аввал “тўпчилар” ярим ҳимоячиси Месут Ўзил ва форвард Тео Уолкотт “Эмирейтс”да ҳафтасига 140 минг фунт маош олишлари хабар қилинганди.
Маълумот ўрнида Санчеснинг “канонирлар” билан амалдаги келишуви 2018-йилгача амал қилади.
Бу йилги мавсум АПЛда 12 учрашув ўтказган хавбек 6 та гол киритган ва 1 та голли пасни амалга оширган.
