Ушбу ҳафта охирида сиз-у бизни бир қатор қизиқарли учрашувлар кутиб турибди. Улардан бири Италия А Серияси 13-тур ўйинлари доирасидаги “Ювентус” – “Милан” қарама-қаршилигидир.
Миланликларнинг ёш дарвозабони Жанлуижи Доннарумма Турин клубига қарши баҳс олдидан ўз фикрларини билдириб ўтди.
- Мен ҳеч қандай босимни ҳис этаётганим йўқ. Аммо мухлис тўла стадионда майдонга чиқишни тасаввур қилиб кўрдим. Айниқса, Буффоннинг жамоасига қарши ўйнаш кишига ўзгача завқ берса керак. Умид қиламанки, бу ўйинда “Милан” ғалабага эришади. Мен эса асосий таркибда майдонга чиқиб, ўйин якунлангач Буффон билан ўз либосимни алмашаман, - дейди ёш посбон.
