"Пахтакор" - "Андижон" жамоалари ўртасидаги учрашувдан кейин одатдагидек, ҳар иккала жамоа бош мураббийлари ОАВ ходимларининг саволларига жавоб қайтарди.
Нўъмон Ҳасанов ("Пахтакор" жамоаси бош мураббийи): - Биз янада тезкор уришни мақсад қилгандик. Шундай бўлсада, болалар ёмон ўйнашгани йўқ. Чемпионга мос ўйинни кўрсатишди. Йил давомида жуда кўп оғир учрашувларни ўтказдик. Якунда чемпионликни қўлга киритдик.
Биринчи бўлимдан футболчиларга нима дедим? Йигитларга ҳужумкор ўйинни тўхтатмасликлари кераклигини айтдим. Жамоа Сергеевни тўпурар қилиш учун эмас, чиройли ўйин кўрсатиш учун ҳаракат қилди.
