Ўзбек футболида ўз ўрнига эга бўлган ҳужумчи Анвар Солиeв футболчилик фаолиятини якунлади. Бу ҳақида "Пахтакор" - "Андижон" учрашувидан сўнг мезбонлар бош мураббийи Нўъмон Ҳасанов таъкидлаб ўтган.
"Бугун Анвар Солиев футболчилик фаолиятидаги сўнгги учрашувда майдонга тушди. Солиев мураббийлик курсларида ҳам таҳсил олди. Унинг кейинги мураббийлик фаолиятида ҳам омад тилайман. "Пахтакор"нинг энг содиқ футболчиларидан бири бўлди. Жамоада қолишни истаса, биз уни қабул қиламиз", - дейди "Пахтакор" бош мураббийи.
Маълумот учун, Анвар Солиев 1978 йилда тавваллуд топган ва ҳозирда 37 ёшни қарши олган. Солиев шарҳловчи Мирзаҳаким Тўхтамирзаев таъбири билан айтганда, терма жамоада ҳам ҳақиқий "cехрли таёқча" бўлди.
