Жамоамизнинг мавсум-2015даги статистик кўрсатиклари ҳақида маълумот беришни давом эттирамиз. Якунланган мавсумнинг 30 учрашувида жамоамиз 31 очко жамғаришга эришган бўлса, рақиблар дарвозасига ҳам худди шунча (31та) тўп киритилди.

“Қўқон-1912” иштирокидаги 10 та ўйинда 2:1 ҳисоби қайд этилган. Буларнинг тўрттасида вакилларимиз ғалаба қозонишган. Олтита баҳсда рақибларнинг қўли баланд келган. Мана шу ўйинларнинг аксариятида аввалига ҳисобни очиб кейин мағлубиятга учраганмиз. Еттита учрашувда 1:0 ҳисоби қайд этилган. Уларнинг учтасида “Қўқон-1912”нинг қўли баланд келган. Тўртта ўйин 3:1 натижаси билан якун топган. Буларнинг биттасида ғалаба қозонганмиз. Энг қизиғи, иккинчи даврада ўз майдонимиздаги ўйинларнинг учтасида худди шу ҳисоб қайд этилган. 2:2 ҳисобида дуранг натижалар уч марта кўзатилган. Ўз майдонимизда икки марта шу ҳисобини қайд этганмиз. Икки марта 3:0 ҳисобида мағлубиятга учраганмиз.