“Вольфсбург” футболчилари Чемпионлар Лигаси 5-тур ўйинини ўтказиш учун Москвага етиб келишди, деб хабар бермоқда “Известия” нашрига таяниб Sports.ru.

Бразилиялик ярим ҳимоячи Луис Густаво ва швейцариялик ҳимоячи Рикардо Родригес “ЦСКА” билан ўйинни жароҳатлар сабаб ўтказиб юборишади. Шу туфайли улар Россияга келишмаган.

Бундеслига доирасида “Вердер”га қарши баҳсни (6:0) ўтказиб юборган Германия терма жамоаси хавбеки Юлиан Дракслер эса “ЦСКА” билан учрашувда майдонга тушиши мумкин.

“ЦСКА” – “Вольфсбург” ўйини 25-ноябрь куни “Химки Арена” стадионида ўтади ва Тошкент вақти билан 22.00да бошланади.