“Челси” бош мураббийи Жозе Моуриньо ёки “Порту” дарвозабони Икер Касильяс фаолиятида биринчи бор Чемпионлар Лигаси 1/8 финал босқичига чиқа олмаслиги мумкин. Бу ҳақда Sports.ru хабар бермоқда.
Икала клуб ҳам Киевнинг “Динамо” жамоасини 2 очкога ортда қолдириб, гуруҳда етакчилик қилмоқда. Аммо якуний турда “Челси” ва “Порту” Англия пойтахтида ўзаро куч синаади. Агар “Динамо” Киев “Маккаби”ни мағлубиятга учратса, “Челси” - “Порту” учрашуви натижасидан қатъий назар гуруҳда иккинчи ўринни эгаллайди.
Агар “Динамо”, “Челси” ва “Порту”нинг очколари тенг келиб қолса (бу ҳолат “Динамо” “Маккаби”ни мағлуб этса, “Челси” эса “Порту” билан дуранг ўйнаса рўй бериши мумкин) ушбу жамоалар ўртасидаги учрашувларда киритилган ва ўтказиб юборилган тўплар нисбати инобатга олинади.
Бунда “Порту”да тўплар нисбати "-1" га, “Челси”да "0" га тенг бўлади, “Динамо”да эса бу кўрсаткич "+1" ни ташкил қилади. Бундай вазиятда киевликлар гуруҳдан биринчи ўрин билан, лондонликлар эса иккинчи ўрин билан чиқишади.
