ЕЧЛ 5-тури “Шахтёр” билан учрашувда (4:3) дублга эришган “Реал” ҳужумчиси Криштиану Роналду ўйиндан кейинги таассуротлари билан ўртоқлашди.

“Учрашувда ўз кучимизга ишониб ҳаракат қилдик ва устунликка эга эдик. Тезкор гол киритдик, тўпни назорат қилдик, голли вазиятлар яратдик. Аммо ўйин охирида вазият ўзгариб кетди.

Пенальтидан гол ўтказиб юбордик, кейин рақибга яна икки марта тўп киритиш имконини совға қилдик. Умуман олганда, охирги 15 дақиқани айтмаса, “Реал” ажойиб ўйин ўтказди”, - дея Роналду сўзларини келтиради УЕФА расмий сайти.