21 ноябрь куни 24-чемпионатимиз баҳсларига якун ясалди. Сўнгги турда "Пахтакор"га қарши ўтган ўйиндан кейин "Андижон" жамоаси ҳам қишки таътилга чиқди.
Жорий мавсумни "Андижон" жамоаси мусобақа жадвалида 13-поғонада якунлади. Аввалги йилги мавсумларга солиштирганда бу албатта яхши натижа дейиш мумкин. Чемпионат давомида андижонликлар рақиблар дарвозасини 27 бор ишғол этишган бўлса, ўз дарвозаларидан 56 та тўп ўтказиб юборишди. Ўтган 30 ўйинда жамоа 28 очко қўлга киритди. Шунингдек, "Андижон" мавсумни Эдгар Гесс қўли остида бошлаганди. Лекин иккинчи даврада Гесснинг ўрнига Сергей Ковшовга бошқарув топширилди.
Узоқ давом этган мавсумдан сўнг футболчиларимиз қишки таътилда дам олишмоқда. "Андижон"нинг янги мавсумга тайёргарлиги декабрь ойининг ўрталаридан бошланади.
