Футбол бўйича Европа Чемпионлар лигаси гуруҳ босқичи доирасида Украинанинг Львов шаҳрида ташкил этилган «Шахтёр» (Донецк, Украина) ва «Реал Мадрид» (Испания) жамоалари ўртасидаги учрашувда Ўзбекистон байроғи ҳилпиради. Ўзбекистон байроғи кўринган суратлар ижтимоий тармоқларда тарқалган.
Хусусан, «Реал Мадрид» ҳимоячиси Рафаэль Варан ва «Шахтёр» сардори Алекс Тейшейранинг тўп учун кураши акс этган фотосуратнинг орқа фонида Ўзбекистоннинг икки байроғини кўриш мумкин — улардан бири ўртасига кирилл алифбоси ҳарфларида «ХИВА» деб ёзилган.
«Шахтёр» — «Реал Мадрид» учрашуви 4:3 ҳисобида испан клуби ғалабаси билан якунига етди. Учрашувда донецкликлар сардори Алекс Тейшейра ва мадридликлар етакчиси Криштиану Роналду дублга эришди.
Маълумот учун, йирик халқаро футбол мусобақаларидан ташкил этилган жонли телетрансляциялар, учрашувларидан уюштирилган фоторепортажлар давомида Ўзбекистон байроғи ҳилпираётгани акс этган ҳолатлар бир неча бор қайд этилган. Хусусан, Испания ва Италия ўртасидаги Евро-2012 финал учрашувида ҳам Ўзбекистон байроғи ҳилпираганди.
