Англия терма жамоаси мураббийлар штаби аъзоси Гари Невиллнинг фикрича, “Манчестер Сити” клуби ярим ҳимоячиси Давид Сильва Англия чемпионатининг энг яхши футболчиси экан.
“Англия чемпионатининг энг яхши футболчиси – Давид Сильва. Аммо у бошқа либос остида ўйнаши керак. Бошқа мамлакатлардан келган футболчиларга ҳеч қандай қаршилигим йўқ, аммо менинг фикримча АПЛда британияликлар ва легионерлар нисбати 50 га 50 бўлиши керак.
Англиялик футболчилар дунёда энг яхшилари бири бўлишлари мумкин, аммо уларни нотўғри тарбиялашади“, – дейди Невилл.
