Немис футболи афсонаси Франц Беккенбауэр “Бавария” бош мураббийи Хосеп Гвардиолани жамоадан кетмасликка чақирди.
Goal нашрининг ёзишича, Беккенбауэр Гвардиоланинг Мюнхен супер клубида қолишини истамоқда.
- Гвардиола Мюнхенни 3 йиллик фаолиятдан сўнг тарк этса жуда ҳам аламли бўлади. Зеро у эндиликда Бундеслигани, немис футболини жуда яхши билади. Қолаверса, Пеп немисчада ҳам бемалол гапира бошлади. “Бавария” ўйинчилари ҳам уни олдингиданда кўпроқ қўллаб-қувватлай бошлашди. Мен унинг “Бавария”дан кетишини истамасдим, - дейди Беккенбауэр.
Таъкидлаб ўтамиз, Хосеп Гвардиоланинг “Бавария” билан тузган шартномаси шу мавсум охирида якунига етади.