«Барселона» бош мураббийи Луис Энрике Испания чемпионатининг 13-тури доирасида «Реал Сосьедад»га қарши ўтказилган (4:0) ўйин борасида ўз фикрларини билдириб ўтди.

«Ўйин тақдири ҳал бўлиши билан уларнинг барчаси (Месси, Суарес, Неймар) гол уришни исташади. Улар учун бу табиий ҳолат. Ўйин бошида эса вазият бошқача бўлади. Учаласи гол урмагунча, улар учун ўйин якунланмайди.

Ҳозир энг яхши вазиятни бошдан кечираётганимизни ҳис қилмаяпман. Ўтган мавсумда яхшироқ ҳаракат қилгандик. Ҳозир ҳам яхши ўйнаяпмиз. Бу мен учун муҳим. Шубҳасиз, жамоа ўз ўйинидан мароқланмоқда. Умид қиламан, энг яхши ўйинларимиз ҳали олдинда.

Бизнинг ҳолатимиз рақибларни чўчитмоқдами? Буни улардан сўраш керак. Биз ўйиндан ўйингача ҳаракат қиламиз. Декабрда ҳеч ким чемпионликни қўлга киритмайди. Биз учун муҳим палла бошланмоқда. Испания примераси, Испания кубоги ва клублар ўртасидаги жаҳон чемпионатида иштирок этамиз», – дейди Луис Энрике.