Англия чемпионати 14-тур учрашувлари давом этмоқда. Бир неча дақиқа аввал "Тоттенхэм" - "Челси" учрашуви ўз ниҳоясига етди.
"Уайт Харт Лейн" стадионида ўтган ушбу ўйинда ҳисоб очилмади. Ҳар иккала жамоа эҳтиёткор ўйин намойиш қилди. Тўпни назорат қилиш бўйича устунлик мезбонлар томонида бўлган бўлса, "аристократлар" қарши ҳужумда ўйнашди.
Моуриньо бу ўйинда соф ҳужумчисиз ҳаракат қилди. Эден Азар марказий ҳужумчи вазифасини бажарди. Бир вазиятда унинг ўткир бурчак остида йўллаган зарбасини Льорис қайтаришга муваффақ бўлди.
Жозе Моуриньо шогирдлари ушбу турдан сўнг 15 очко билан ҳозирча 14-ўриндан жой олди. "Тоттенхэм" 25 очко тўплади ва 5-ўринда қолди.
“Тоттенхэм” - “Челси” - 0:0
Огоҳлантиришлар: Роуз (32), Кейн (40), Уолкер (45), Вертонген (53) - Матич (59), Аспиликеэта, (90)
“Тоттенхэм”: Льорис, Вертонген, Алдервейрелд, Роуз, Дайер, Дембеле, Мэйсон, Эриксен, Уокер, Кейн, Сон Хин Мин (Нжие, 73).
“Челси”: Бегович, Зума, Аспиликуэта, Иванович, Кэйхилл, Оскар, Виллиан (Кенеди, 89), Азар, Фабрегас, Педро (Лофтус-Чик, 90), Матич.