Криштиану Роналду: “Мен ўз муваффақиятларим учун эски дўстим Алберт Фантраудан қарздорман. Биз у билан ёшлар клубида тўп сурардик. Бир кун “Спортинг”дан келиб мен ва Албертга ким кўп гол урса ўшани ўзимиз билан олиб кетамиз дейишди. Ўша кунги ўйинда биз 3:0 ҳисобида ғалаба қозондик. Биринчи голни мен киритдим, иккинчисини эса Алберт. Учинчи гол ҳаммани ҳайрон қолдирди. Алберт дарвозабон билан бирга-бир вазиятга чиқиб, уни алдаб ўтди ва мен ҳам у билан бир қаторда югуриб келдим. Дарвозани ишғол қилиш учун бир зарба кифоя бўлиб турганда Алберт тўпни менга узатди ва мен осонлик билан тўпни дарвозага жойладим. Шундай қилиб мени “Спортинг”га олишди. Ўйиндан сўнг Албертдан нега бундай қилганини сўраганимда у: “Криш сен мендан кучлироқсан, сен боравер”, — деб жавоб берди”, — дея эслайди Роналду ўзининг қадрдон дўсти ҳақида.
Журналистлар Албертнинг уйига бориб ростдан ҳам шундай бўлганини сўрашди ва у буни тасдиқлади. Шу билан у ўша пайтда футболчилик фаолиятини якунлагани ва ҳозирда ишсиз юрганини ҳам айтди. Шунда муҳбирлар : “Бундай ҳашаматли уй ва машина қайердан келди?”, — деб сўрашганда у фаҳр билан: “бу ҳаммаси Криштианунинг шарофати билан деб жавоб берди.
