ФИФА президентлигига номзод ҳисобланган УЕФА бош котиби Жанни Инфантино сайловда ғолиб чиқса, ФИФАда ислоҳотлар ўтказишини маълум қилди.
«Биринчи кунданоқ мен ислоҳотларни бошлаб юбораман. Яхши бошқарув,молиявий шаффофлик, тузилмавий ўзгаришлар катта роль ўйнайди. УЕФАда ишлаб, мен бу ишлар билан ҳар куни шуғулланаман», — дейди Инфантино.
ФИФА президентлиги учун сайлов 2016 йилнинг 26 февраль куни бўлиб ўтади. Сайловда 5 кишининг номзоди рўйхатга олинган. Улар: шайх Салмон бин Иброҳим ал-Халифа, Жанни Инфантино, Иордания шаҳзодаси Али бин ал-Ҳусайн, ФИФА бош котибининг собиқ ўринбосари ва ЖАРлик амалдор Токио Сексвале.