"Верона" жамоаси раҳбарияти клуб бош мураббийи Андреа Мандролинини ўз лавозимидан озод қилди. Бу ҳақда клуб расмий сайти хабар берди.
"Верона" Италия "А" Серияси 14-туридан сўнг атиги 6 очко тўплаган ҳолда турнир жадвалининг энг қўйи поғонасидан жой эгаллаган. Мутахассиснинг ишидан қониқиш ҳосил қилмаган клуб раҳбарияти Мандролинини ишдан бўшатишга қарор қилди.
Андреа Мандролини 2010 йилдан буён "вероналиклар" бош мураббийи сифатида фаолият олиб бораётганди. Маълумотларга кўра, унинг ўрнини Эугенио Корини ёки Мурат Якин эгаллаши мумкин.