Биласиз, ҳамюртимиз Ҳусниддин Ғофуров айни пайтда Сербиянинг “Явор” жамоаси шарафини ҳимоя қилмоқда.

Кеча Сербия кубоги доирасида 1/8 финал учрашувлари бўлиб ўтди. “Явор Матис” жамоаси ушбу босқичда “Чукарички” клубига қарши баҳс олиб борди. Таъкидлаш жоиз, ўйин анчагина муросасиз кўриниш олди. Унинг асосий вақтида 1:1 ҳисоби қайд этилди. Пенальтилар баҳсида эса “Явор” омадлироқ чиқди ва 4:3 ҳисобида ғалаба қозонди ва чорак финалга йўл олди. Чорак финал ўйинлари келаси йилнинг 2 март куни ўтказилади.

Таъкидлаб ўтамиз, мазкур учрашувда ҳамюртимиз Ҳусниддин Ғофуров 60 дақиқа майдонда ҳаракат қилди.