«Барселона» ҳимоячиси Хавьер Маскерано Испания солиқ органига 816 минг евро миқдорида жарима тўлашга рози бўлди.

Футболчи даромадни яшириш ва солиқ тўлашдан бош тортишда айбланди. Аргентиналик футболчи сўнгги 2 йил давомида Испания қонунчилигини бузганини тан олди. У биринчи қонунбузарлик учун 40%, иккинчиси учун 60% миқдорида жарима тўлайди. Ундан ташқари, Хавьер тахминан 1,6 млн евро миқдорида яширилган солиқларни ҳам тўлаб беради.

Шунингдек, Маскерано шартли равишда 12 ойга озодликдан маҳрум қилиш жазоси тайинланди: 4 ой – биринчи қоидабузарлик учун, 8 ой – иккинчи. Аммо у қамоқхонада ўтирмайди.