«Наполи» президенти Аурелио Де Лаурентис жамоасининг ушбу мавсумдаги ўйини борасида ўз фикрларини билдириб ўтди.
«Сарри туфайли буз ушбу мавсумда лидермиз. Мавсум бошида у айрим қийинчиликларга дуч келди, аммо ҳозир майдонга чиқаётган футболчилар идеал даражада ҳаракат қилишмоқда.
Албатта, умид қиламанки, биз ҳар бир ўйинда ғалаба қозонамиз. Янги йил олдидан иккинчи ўринда бораётган жамоадан очколар бўйича олдинда бўламиз.
Мен жамоани қабул қилиб олганимда, клуб банкрот ёқасида эди. Ҳозирда эса жаҳоннинг 15-жамоасимиз. «Реал» ва «Барселона» билан бир хил даражадамиз.
Рус олигархлари ва араб шайхлари ўз клубларига кўп пул тикишда давом этишмоқда. Биз эса молиявий фейр-плей қоидасига амал қиламиз», – дейди Де Лаурентис.