Жуда яхши формага кириб олиб, катта тезликда илдамлаётган "Барселона"ни "Валенсия" оёғидан чалиб қолди. Бунга эса каталонияликларнинг ўзлари айбдор.

Бутун ўйин давомида Энрике шогирдлари катта устунликка эга бўлишди ва жуда кўплаб голли вазиятларни юзага келтиришди. Биринчи бўлимнинг ўзида Неймар, Суарес, Мессида камида 4-5та яхши вазиятлар бўлди. Аммо каталонияликлар уларни голга айлантира олишмади.

Ўйиннинг 59-дақиқасида эса Мессининг узатмасидан кейин Суарес бирга бир вазиятга чиқиб кетди ва ҳисобни очди. Ушбу голдан кейин меҳмонлар асосан тўпни назорат қила бошлашди, иккинчи голни уришга шошилишмади. Имконият бўлганда эса Месси ва Неймар имкониятлардан фойдалана олишмади. Ўйиннинг асосий вақти тугашига 4 дақиқа қолганда "Валенсия" қарши ҳужум ташкил қилди ва Санти Мина "Барселона" дарвозасини ишғол қилди.

Қолган бир неча дақиқа ичида "Барселона" қанчалик ҳаракат қилмасин, ғалабани қўлдан чиқариб бўлганди. Мазкур муваффақиятсизликдан сўнг "Барса" энди "Атлетико"дан 2, "Реал"дан 4 очко олдинда бормоқда.

Испания чемпионати, 14-тур
Валенсия – Барселона 1:1 (0:0, 1:1)
Голлар: 0:1 – 59 Суарес, 1:1 – 86 Санти Мина.
Валенсия – Доменек, Абденнур, Адерлан Сантос, Гайя, Рубен Везу, Парехо, Данило, Перес (Баккали, 73), де Пауль (Пьятти, 83), Пако Алькасер, Санти Мина (Тропи, 88).
Барселона – Браво, Пике, Дани Алвес, Альба, Маскерано, Иньеста, Бускетс, Ракитич, Месси, Неймар, Суарес.
Огоҳлантиришлар: Маскерано (16), Парехо (70), Данило (77), Гайя (87).