Хабарингиз бор, ҳамюртларимиз Фарҳод Тожиев ва Садриддин Абдуллаевлар ортда қолган мавсумни Малайзияда ўтказишди.

Ушбу юртда нуфуз жиҳатдан иккинчи ўринда дея эътироф этиладиган премьер лига баҳсларининг 2015-йилги мавсуми якунига кўра футболчиларимиз шарафини ҳимоя қилган “Т-Тим” клуби учинчи ўринни банд этиб, Супер Лигага йўл ола билмади. Натижада Тожиев ҳам, Абдуллаев ҳам “Т-Тим” билан шартномани узайтирмасликка қарор қилишди. Ҳозирда ушбу икки футболчи бошқа жамоалар таклифларини кўриб чиқишмоқда. Катта эҳтимол билан улар эндиги фаолиятларини юртимизда давом эттиришади.

Таъкидлаш жоиз, Фарҳод Тожиев ва Садриддин Абдуллаевлар Малайзияга йўл олишдан аввал “Локомотив” таркибида ҳаракат қилишганди. Тожиев 2014-йилги мавсумда 13 марта рақиблар дарвозасига йўл топа олган бўлса, Абдуллаев 13 та учрашувда 4та гол уришга эришганди.