"Интер" жамоасининг собиқ форварди Диего Милито 2016 йилги Либертадорес кубоги фаолиятидаги сўнгги турнир бўлади. 36 ёшли футболчи июнда фаолиятини якунлашни режалаштирмоқда.
- Яна ярим йил давомида футбол билан шуғулланишимни эшитиб хурсанд бўлдим. Либертадорес кубогида иштирок этиш учун қолдим. Кўп йиллар давомида футбол билан машғул бўлиб, тарк этишни ўйлаш оғир, - дейди Милито.
- Жароҳатлар сабабли мавсум олди тайёргарликларни ўтказиб юбордим. Тиззамда доимо оғриқ ҳис қилардим. Олдимда икки йўл - операция ёки спортдан кетиш бор эди. Аммо кўпчиликнинг қўллаб-қувватлаши натижасида вазият анча яхшиланди.
Милито ҳозирда Аргентинанинг "Расинг" жамоасида фаолият олиб бормоқда. Унинг энг катта натижаларидан бирини 2010 йилда қўлга киритган. ЕЧЛ финалида "Бавария" дарвозасига иккита тўп киритиб, "Интер"нинг ғолиб бўлишига катта ҳисса қўшган.
