Хабарингиз бор, ёзги трансфер ойнаси давомида "Арсенал" клуби "Реал Мадрид" ҳужумчиси Карим Бенземага катта қизиқиш билдирганди. "Тўпчилар" бош мураббийи Арсен Венгернинг таъкидлашича, унинг жамоасига янги ҳужумчининг кераги йўқ экан. Шунингдек, франциялик мутахассис Бенземанинг терма жамоадан четлатилганини тўғри деб баҳолади.
- "Арсенал"га Бензема керак эмас, чунки, бизда Оливье Жиру бор. Унинг терма жамоадан четлатилганига келсак, буни ҳақли деб ҳисоблайман. Бенземанинг иши бўйича ҳамон тергов ишлари олиб борилмоқда. Шу сабабли у терма жамоада ўйнамай тургани яхши, - дейди Арсен Венгер.
Жорий мавсумда франциялик ҳужумчи Англия чемпионати доирасида 15 ўйинда майдонга тушиб, 8 маротаба гол киритишга муваффақ бўлди.