"Барселона" ярим ҳимоячиси Иван Ракитич Хорватияда йилнинг энг яхши спортчиси деб топилди.
27 ёшли футболчи ўз клуби сафида банд бўлгани боис тақдирлаш маросимига ташриф буюра олмади. Аммо "Барселона" клуби телевидениесига берган интервьюсида шарафли унвон учун миннатдорчилик билдирди.
Эслатиб ўтамиз, Иван Ракитич ўзининг илк мавсумидаёқ "Барселона"нинг асосий таркиб ўйинчисига айланди ва жамоаси билан бирга "требл"га эришди. Бундан ташқари ярим ҳимоячи терма жамоаси билан Евро-2016 финал босқичи йўлланмасини қўлга киритди.
Шу пайтгача Хорватияда энг яхши спортчиси сифатида футболчилардан Давор Шукер ва Марио Манжукич тан олинганди.