Португалия терма жамоаси устози Фернанду Сантуш ЕВРО-2016 қуръа ташлаш маросимидан сўнг ўз фикрларини билдирди.
«Гуруҳдаги аҳвол ўртача. Рақибларимиз сўнгги йилларда анча ривожланишга эришган терма жамоалардир. Исландия саралашда гуруҳдан биринчи ўрин билан йўлланмани қўлга киритди. Австрия термаси таркибида Давид Алаба, Кристиан Фухс ва Марко Арнаутович каби юқори савиядаги футболчилар бор.
Венгрия эса гуруҳ аутсайдери сифатида бошқаларга “совға” ҳозирлашга ҳаракат қилади. Рақибларимизнинг ҳаммаси Португалияга қарши алоҳида тайёргарлик билан ўйинга тушишади. Нима бўлган тақдирда ҳам биз гуруҳда биринчи ўринни олишимиз ва фаворит сифатида рақибларнинг шижоатига дош беришимиз керак”,- дейди Сантуш.
