Маълумки, Японияда клублар ўртасида жаҳон чемпионати баҳслари бўлиб ўтмоқда. Бугун чорак финал ўйинларига старт берилди.
Дастлабки чорак финалда Мексиканинг "Америка" клубига қарши тушган Хитойнинг "Гуангчжоу Эвергранд" клуби 1:2 ҳисобида ғалаба қозониб, ярим финалга йўл олди.
Эътиборлиси, Хитой клубининг ўйинда ғалаба қозонишига кўпчилик ишонмаётганди. Чунки дастлабки бўлим 0:0 ҳисобида тугагач, ўйиндаги ҳисоб 54-дақиқада мексикаликлар ҳужумчиси Пералта томонидан очилди. Шундан сўнг Сколари такрибда керакли ўзгаришларни амалга оширди. 80-дақиқада Лунг Чженг ҳисобни тенглаштирган бўлса, 90+3-дақиқада "Гуангчжоу Эверганд" легионери Паулиньо якуний ҳисобни ўрнатди - 2:1.
Луис Фелипе Сколари шогирдлари жаҳон чемпионатининг ярим финалида Испаниянинг "Барселона" клубига қарши майдонга тушишади.
Клублар ўртасидаги жаҳон чемпионати. Япония-2015. Чорак финал.
"АМЕРИКА" (Мексика) - "ГУАНГЧЖОУ ЭВЕРГРАНД" (Хитой) 1:2 (0:0)
Голлар: Парелта (54) - Лунг Чженг (80), паулиньо (90+3) "Америка": Муньос, Гольтц, Самудио, Андраде, Бенедетто (О.Мартинес, 81), Пабло Агилар, Самбуэса (С), Гирреро, Пол Агилар, Орибе Пералта, Кинтеро (Арройо, 83).
"Гуангчжоу Эвергранд": Фар Чжинг Си, Чжанг Лин Пенг, Фенг Сяо Тинг, Паулиньо, Элкесон (Ю Ҳан Чао, 79), Чженг Чжи (С), Рикардо Гуларт, Хуанг Бо Вен (Гао Лин, 66), Жчоу Жченг, Ким Ёнг-Квон, Робиньо (Лунг Чженг, 46).
Огоҳлантириш: Фенг Сяо Тинг (88)
Бош ҳакам: Йонас Эрикссон (Швеция)
Осака. "Нагаи" стадиони.
