Англия футболи афсоналидан бири Гордон Бэнкс почкасида аниқланган ракни енгиш учун химиятерапия курсларида қатнашяпти. Бундан 10 йил муқаддам Англия терма жамоаси собиқ дарвозабонинг бир дона буйраги олиб ташланганди.

«Оилам билан Флоридага таътилга бордик. Орадан бир ҳафта ўтгач кучли оғриқдан ҳатто кечалари ухлай олмадим. Шифокорларга кўринганимда, менда рак касаллиги бошлангани ҳақда айтишди. Касаллик буйрак билан боғлиқлигини эшитиб, тўғриси хайратдан ёқа ушладим. Ўтган сафар касаллик жиддий тус олгани туфайли врачлар буйракимдан бирини олиб ташлашларига тўғри келганди. Умид қиламанки, тиббиёт касалликни енгишимда катта таъсир ўтказади. Агар аксига олиб, иккинчи буйракимни ҳам олиб ташлашадиган бўлишса, унда трансплантация қилишимга тўғри келади. Ёки Пеле ҳамда унга ўҳшаш буюк футболчиларнинг зарбаларини қайтара олсам, касалликни тезроқ енгган бўлардим», - дейди собиқ дарвозабон.

Эслатиб ўтамиз, яқинда Йохан Круиффда ҳам рак касаллиги аниқланганди.

Таржима: Акмал Эшонхонов