Янги мавсумга тайёргарлик кўриш мақсадида Олий Лига клублари секин-аста йиғинларни бошлашмоқда.

Сергей Ковшов бошқарувидаги "Андижон" клуби ҳам дастлабки йиғинни бошлаб юборган. Айни дамда “бургутлар” Андижон шаҳри Шўрбулоқ даҳасидаги “Ихтисослаштирилган футбол мактаб интернати” майдонларида шуғулланишмоқда. Машғулотларни Виталий Легай ва Нозим Муллаохуновлар олиб боришмоқда.

Улар асосан маҳаллий ёшлар билан йиғинни бошлаб юборишган. Қолган асосий таркиб ўйинчилари 20 декабрдан йиғинга қўшилиши кутилмоқда. Дастлабки йиғинда мураббийлар бир маҳалдан машғулотларни олиб боришмоқда. Жамоанинг Андижондаги дастлабки йиғини 28 декабргача давом этади.