Ортда қолган мавсумда Олий Лига тўпурарлари баҳсида иккинчи бўлган тажрибали ҳужумчи Баҳриддин Ваҳобов “Қизилқум”ни тарк этиши мумкин.
32 ёшли ҳужумчининг айтишича, унинг хизматларига бир қатор жамоалар қизиқиш билдиришмоқда. Улар орасида Малайзия, Таиланд ҳамда Ҳиндистон клублари ҳам бор экани диққатга сазовордир. Агар томонлар музокаралар мобайнида “тил топиша” олишса, келаси мавсумда Ваҳобовни хорижий чемпионатлардан бирида кўришимиз ҳам мумкин. Боиси Баҳриддин Ваҳобовнинг “Қизилқум” билан тузган шартномаси тугаб бормоқда.
Таъкидлаб ўтамиз, Баҳриддин Ваҳобов ортда қолган мавсумда Олий Лига доирасида 29 та учрашувда майдонга чиқди ва 21 та гол уришга муваффақ бўлди.
