Бугун ЎзПФЛ биносида 2016 йилги олий лига баҳсларига қуръа ташланди.

Унга кўра, Тошкентнинг "Пахтакор" жамоаси биринчи турни ўз майдонида Андижоннинг  "Андижон" клубига қарши майдонга тушади.

Олий Лига клублари вакиллари иштирокидаги йиғилишда келаси мавсум ўйинлар тақвими ўтган мавсумдагидек қолиши тасдиқланди. Унга кўра, чемпионатнинг дастлабки турида ўзаро ўйнайдиган жамоалар иккинчи давра ўйинларини ҳам ўзаро ўйин билан бошлайдилар.

Шунингдек, бир минтақа жамоалари ўз уй ўйинларини бир турда ўтказмаслиги учун жамоалар жуфтликларга ажратилиб чиқилди. Унга кўра қуйидаги жуфтликлар ташкил этилди: «Пахтакор»/«Локомотив», «Бунёдкор»/«Обод», «Насаф»/ «Машъал», «Олмалиқ»/«Металлург», «Навбаҳор»/«Андижон», «Нефтчи» - «Қўқон-1912».

Бугун бўлиб ўтган йиғилишда 2016 йилги мавсум бошида Суперкубок учрашуви ўтказиладиган сана ҳам эълон қилинди.

Унга кўра, 2015 йилги мавсумда  чемпион бўлган жамоамиз ва  2015 йилги мавсумда  Кубок соҳиби Қаршининг “Насаф” жамоалари ўртасидаги Суперкубок учрашуви 19 феврал куни ўтказиладиган бўлди.

Аммо ҳозирча ушбу учрашув қайси стадионда ўтказилиши маълум эмас.

Дастлабки беш турда жамоамиз қуйидаги жамоалар билан майдонда куч синашади.

1-тур (5-6 март)

«Пахтакор» – «Андижон»

2-тур (11-12 март)

«Пахтакор» – «Қўқон-1912»

3-тур

«Бухоро» – «Пахтакор»

4-тур

«Пахтакор» – «Насаф»

5-тур

«Қизилқум» – «Пахтакор»