“Андижон” жамоаси ҳам янги мавсумга тайёргарликни бошлади. 22 декабрь куни йиғилган “бургутлар” шу куни Шўрбулоқ даҳасидаги футболга ихтисослаштирилган мактаб интернатининг сунъий қопламали майдонида биринчи машғулотни ўтказдилар. “
Биринчи кунги машғулотда 25 нафар футболчи иштирок этди. Булардан 5 нафарини дарвозабонлар ташкил қилди. Таркибда Лочин Долимов, Элдор Исабоев, Шукур Жумабоев, Даврон Турсунов, Асрор Раҳмонов, Турсунбой Хусанов, Фарҳод Бекмуродов каби футболчилар йиғиннинг дастлабки кунидан жамоада пайдо бўлишди. Шунингдек, биринчи лига вакили “УзДонгЖу” жамоасидан Алишер Тўхтасинов, Азиз Қаюмов, Даврон Жўрақулов, Акбар Ходжаев ҳамда яна бир қатор ёш ўйинчилар қўшилиб кўрикдан ўтказиляпти. Бугундан машғулотларга Жавлон Гусейнов ҳам қўшилди. Машғулотларни Нозим Муллаохунов билан Виталий Легай биргаликда олиб боришяпти. Дарвозабонлар билан эса Ҳамид Зокиров шуғулланмоқда.
“Андижон”нинг дастлабки йиғини бир ҳафтага яқин давом этади. Клуб бирорта футболчи билан ҳали расман хайрлашгани йўқ.