Лондоннинг «Челси» клуби собиқ бош мураббийи Жозе Моуриньонинг агенти Жорже Мендешнинг таъкидлашича, ҳозирги вақтда унинг мижози Англия, Испания ва Италия чемпионати жамоалари билан музокара олиб бормаяпти.
«Ҳозирги вақтда Жозе Бразилияда бўлиб турибди. Қачон у мураббийлик фаолиятига қайтишини келгусида билиб оламиз. Айни вақтда биз на инглиз, на испан ва на итальян клублари билан музокара олиб боряпмиз. Моуриньони ҳеч нарса безовта қилмайди. Ахир у — дунёнинг энг яхши мураббийи», дея Мендешдан иқтибос келтиради Sky Sport Italia.
Олдинроқ, Моуриньо «Реал» президенти Флорентино Перес уни «Қироллик клуби»га қайтаришга ҳаракат қилаётганига қарамай «Манчестер Юнайтед»ни бошқаришни истаётгани учун таклифга рад жавоби бергани ҳақида хабарлар тарқалганди.
