Ҳаваскор футболчилар ўртасидаги "Рухсор Кубоги" турнири ҳам якунига етди.
28 декабрь куни финал баҳси бўлиб ўтди ва унда "Марғилон" ҳамда "Ипакчи" жамоалари рақобат олиб боришди. Ўйин Акмал Собиров бошчилигидаги марғилонлик футболчиларнинг 3:2 ҳисобидаги ғалабаси билан якунига етди.
Учинчи ўрин учун кечган баҳсда "Байналминал" "Нефтчи-Карате"ни 7:3 ҳисобида енгди ва кучли учликка киришга муваффақ бўлди.
Шундан сўнг мусобақанинг ёпилиш маросими ўтказалди. Унда "Рухсор ТРК раҳбари Нуриддин Асқаров, "Нефтчи" ПФК раиси Салимжон Зокиков, жамоа техник директори Шерзод Раимжонов, КЁИҲ шаҳар кенгари раиси Азизбек Суярқуловлар ғолибларни тақдирлашди.
Эслатиб ўтамиз, бундан буёғига "Рухсор" ТРК шу каби турнирлар ҳар 2 ойда бир марта ўтказишни режа қилмоқда.
МУСОБАҚА ҚАЙДНОМАСИ:
2015-йил, 24-27 декабрь. Фарғона шаҳри. "Рухсор Кубоги" турнири. 16 та жамоа. 160 нафар иштирокчи.
Турнир ғолиби: "Марғилон" жамоаси.
Иккинчи ўрин: "Ипакчи"
Учинчи ўрин: "Байналминал"
Мусобақанинг энг яхши футболчи: Аъзамжон Қодиров. (Марғилон)
Мусобақанинг энг яхши дарвозабони: Иномжон Дадабоев (Марғилон)
"Рухсор" ТРК матбуот хизмати
