Ортда қолган мавсумда Олий Лига тўпурарлари баҳсида иккинчи бўлган тажрибали ҳужумчи Баҳриддин Ваҳобов “Қизилқум”ни тарк этиши мумкин.

Боиси 32 ёшли тажрибали ҳужумчи хизматларига бир қатор жамоалар қизиқиш билдиришмоқда. Олдинроқ Баҳриддин Ваҳобовга Малайзия, Таиланд ҳамда Ҳиндистон клубларидан чорлов бўлгани ҳақида хабарлар тарқалганди.

Маълум бўлишича, эндиликда тўпурар футболчига Эрондан ҳам чақирув бўлди. Аммо Ваҳобов ҳали ҳеч бир жамоага розилик бергани йўқ. Агар томонлар ўзаро келиша олишса, Баҳриддин Ваҳобов январда юқоридаги жамоалардан бирининг кўригига бориб қўшилади. Йўқса у келаси мавсумни ҳам катта эҳтимол билан Навоий жамоасида ўтказади.

Таъкидлаб ўтамиз, Баҳриддин Ваҳобов ортда қолган мавсумда Олий лига доирасида 29 та учрашувда майдонга чиқди ва 21 та гол уришга муваффақ бўлди.