Қатарда 23 ёшгача бўлган футболчилар ўртасида Осиё чемпионати мусобақаси бўлиб ўтишидан хабарингиз бор, албатта. Ушбу мусобақани ойнаи жаҳон қаршисида ўтирган миллионлаб ўзбек мухлислари интизорлик билан кутишаётгани ҳеч кимга сир эмас.

Лекин, стадионни ўзида туриб мухлислик қилган бошқача, барибир. Жаҳонда ҳар бир терма жамоани  стадионда кўллаб-қувватлаб турадиган ўз мухлислари бор. Ўз майдонида бўладими, сафарда бўладими стадионда севимли терма жамоасини қўллаб-қувватловчи фан-клуб аъзоларининг ўрни катта.

Абдураҳмон Фозилов бошчилигидаги Ўзбекистон футбол мухлислари  аъзолари ҳам ушбу мусобақага боришига ишонамиз. Сабаби, Австралияда ўтган Осиё кубоги ва Янги Зеландияда ўтган ёшлар (U20) ўртасидаги жаҳон чемпионатида терма жамоаларимизни қўллаб-қувватлаб турганлигининг гувоҳи бўлганмиз. Қатарда ҳам олимпиячиларимизни ёлғизлатиб қуйишмайди. Оз сонли бўлсаям стадионда 12-ўйинчи вазифасини бажариб футболчиларимизга далда бўлишади. Кутилаётган ғалабаларни биргаликда нишонлаб, ҳар бир ўйинда йигитларнинг руҳини кўтаришга ҳаракат қилишади деган умиддамиз. Бунга жавобан футболчиларимиз ҳам чиройли  ва мазмунли ўйин кўрсатиб, мухлисларни кўнглини топишга интилишади.

Хуллас, уйдами, стадиондами биз мухлислар бир тану бир жон бўлиб, олимпия терма жамоамизни қўллаб-қувватлаб туриш бош мақсадимиз. Насиб қилса, олимпиячиларимиз юртимизга ёруғ юз билан қайтишади.

Куч – бирликда! Олға, Ўзбекистоним!

Абдумажид  Қодиров