«Манчестер Юнайтед» клуби «Реал» ярим ҳимоячиси Гарет Бэйлни қишки трансфер пайтида сотиб олмоқчи.
"The Daily Mail" тарқатган хабарга кўра, 26 ёшли футболчи учун манчестерликлар 75 миллион фунт тўлашга тайёр.
Манбага кўра, «МЮ» бош мураббийи ёрдамчиси Райан Гиггз ўз ватандошини «Олд Траффорд»га кўчиб ўтишга кўндиришига жамоа раҳбарияти умид қилмоқда.
Шунингдек, Бэйлнинг ўзи Рафаэль Бенитеснинг истеъфосидан хафа бўлди ва фаолиятини АПЛда давом эттиришга қарши эмас.
Эслатиб ўтамиз, футболчи 2013 йилда «Тоттенхэм»дан рекорд сумма (85 миллион фунт) эвазига "Реал"га кўчиб ўтганди.