Ўзбекистон Футбол Федерацияси ҳамда Осиё Футбол Конфедерацияси ҳамкорлигида Тошкентда илк маротаба дарвозабонлар мураббийлари учун ОФКнинг Level 1 ўқув-курслари ўтказилмоқда.
Семинарлар 4 январь куни старт олган бўлиб, олти кун мобайнида давом этади.
Семинарнинг очилиш маросимида Ўзбекистон Футбол Федерацияси техник директори ҳамда болалар, ўсмирлар ва оммавий футболни ривожлантириш бошқармаси бошлиғи Шавкат Имомов сўзга чиқиб, илк бора ўтказилаётган ушбу курс дарвозабонлар мураббийлари учун жуда муҳим эканини, ушбу соҳадаги янгиликлар билан танишиш, ҳамда фикр алмашиши имкониятини яратиши ҳақида тўхталиб ўтди.
Шунингдек, Имомов семинарларни олиб борувчи инструкторлар ҳамда уларга кўмаклашадиган гуруҳ курснинг фойдали маълумотларга бой бўлиши ва барча учун манфаатли бўлиши йўлида бор имкониятларини ишга солишини таъкидлади.
Ушбу ўқув семинарида иштирокчилари энг камида “C” лицензиясига эга бўлиши ва айни пайтда иш фаолиятини давом эттираётган бўлиши лозим.
Level 1 сертификатини қўлга киритган дарвозабонлар мураббийлари, кейинчалик Level 2 ва Level 3 даражалари учун ўқишни давом эттириш ҳуқуқига эга бўладилар
